News @Balitang Probinsiya | April 15, 2024
Iloilo — Dalawang salesman ang hinoldap ng riding-in-tandem kamakalawa sa Brgy. Gaub, Cabatuan sa lalawigang ito.
Kinilala ng pulisya ang dalawang biktima na sina Daryl Lamitan at Jojo Buenafe, kapwa nasa hustong gulang at parehong nakatira sa Iloilo City sa nasabing lalawigan.
Ayon sa mga biktima, habang lulan sila ng isang motorsiklo ay biglang sumulpot ang dalawang armadong lalaki na sakay din ng isang motorsiklo at nagpahayag ng holdap.
Matapos tangayin ang mga bag na may lamang cash ng dalawang biktima ay mabilis na tumakas ang mga suspek.
Nagpalabas na ng manhunt operation ang pulisya para madakip ang dalawang holdaper.