2 riders, todas sa aksidente

@Balitang Probinsiya | December 02, 2021

NORTH COTABATO—Dalawang riders ang namatay nang aksidenteng magkabanggaan ang mga minamaneho nilang motorsiklo kamakalawa sa Bgy. Labuo, President Roxas.

Kinilala ng pulisya ang mga biktima na sina Hermigildo Buenaflor at Nilo Sangco, kapwa nasa hustong gulang at parehong residente sa naturang bayan.

Ayon sa ulat, kapwa mabilis ang takbo ng motorsiklong minamaneho nina Buenaflor at Sangco kaya aksidenteng nagkabanggan sa naturang barangay ang dalawang sasakyan.

Nabatid na nagtamo ng mga pinsala sa ulo at katawan ang mga biktima dahil sa naganap na aksidente.

Dinala pa ng mga saksi ang dalawang biktima sa ospital, pero kapwa sila idineklarang dead-on-arrival.