2 riders, sugatan sa aksidente

@Balitang Probinsiya | Oct 22, 2021

CAPIZ—Dalawa riders ang sugatan nang aksidenteng magkabanggaan ang dalawang motorsiklo kamakalawa sa Bgy. Calitan, Panay.

Kinilala ng pulisya ang mga biktima na sina Jason Amacan, 24-anyos at Donafe Bolbillo, 29-anyos, kapwa residente sa nabanggit na bayan.

Ayon sa ulat, kapwa mabilis ang takbo ng motorsiklo minamaneho nina Amacan at Bolbillo kaya aksidenteng nagkabanggan sa naturang barangay ang dalawang sasakyan.

Nabatid na nagtamo ng mga pinsala sa ulo at katawan ang mga biktima na kapwa ginagamot na ngayon sa ospital.

Patuloy pa ang imbestigasyon ng pulisya para mabatid kung sino kina Amacan at Bolbillo ang may pananagutan sa aksidente.