2 patay, 1 sugatan sa van

@Balitang Probinsiya | March 26, 2023

NEGROS OCCIDENTAL—Dalawa katao ang namatay at isa ang sugatan nang mabangga ng van ang kinalululanan nilang motorsiklo kamakalawa sa Bgy. Quezon, San Carlos City sa lalawigang ito.

Kinilala ang mga nasawi na sina Ariel Guarin, nasa hustong gulang, at isang batang lalaki na 12-anyos, samantalang ang sugatan ay ang isang 15-anyos, pawang residente sa nasabing lalawigan.

Hindi na rin pinangalanan ang driver ng van matapos na mangakong sasagutin ang gastos at danyos sa mga biktima.

Ayon sa ulat, mabilis ang takbo ng van kaya nabangga ang motorsiklong minamaneho ni Guarin, na kinalululanan din ng mga bata.

Dinala ng mga saksi ang mga biktima sa ospital, pero idineklarang dead-on-arrival sina Guarin at ang isang bata na kapwa nagtamo ng malaking pinsala sa ulo.