2 pasahero sugatan sa pick-up

@Balitang Probinsiya | January 30, 2021

AKLAN—Dalawang pasahero ang sugatan nang aksidenteng mabangga ng pick-up ang kinalululanan nilang tricycle kamakalawa sa Brgy.Bagto, Lezo sa lalawigang ito.

Kinilala ng pulisya ang dalawang biktima na sina Kien Igup, 22-anyos at Myrna Igual, 49-anyos, kapwa residente sa nabanggit na bayan,

Ayon sa ulat, nakalulan umano sina Igup at Igual sa tricycle nang aksidenteng mabangga ito ng pick-up na minamaneho ni Roque Bulao, residente ng Panay, Capiz.

Nabatid na sa lakas ng pagkakabangga ay nagtamo ng mga sugat sa ulo at katawan ang dalawang biktima, samantalang hindi naman nadisgrasya ang hindi na pinangalanang driver ng tricycle.

Nakatakdang sampahan ng kasong reckless imprudence resulting to double physical injury and damage to property si Bulao.