2 NPA sumurender

@Balitang Probinsiya | Pebrero 22, 2023

PAMPANGA — Dalawang miyembro ng New People’s Army (NPA) ang magkasunod na sumuko sa pamahalaan kamakalawa sa Camp Olivas, San Fernando City sa lalawigang ito.

Para sa kanilang seguridad ay hindi na pinangalanan ng mga awtoridad ang mga sumukong NPA na nag-o-operate sa Central Luzon.

Nabatid na isinuko rin ng mga NPA ang mga kanilang armas, bala at subersibong dokumento.

Sinabi ng mga sumukong komunista na nais na umano nilang magbagong-buhay kaya sumuko sila sa pamahalaan.

Isinasailalim na sa taktikal na interogasyon ang mga sumukong komunista.