2 NPA, sumuko

@Balitang Probinsiya | July 25, 2023

SURIGAO DEL SUR—Dalawang miyembro ng New People's Army (NPA) ang sumuko sa pamahalaan kamakalawa sa bayan ng Tandag sa lalawigang ito.

Para sa kanilang seguridad ay hindi na pinangalanan ng mga awtoridad ang dalawang sumukong komunista na nag-o-operate sa lalawigan.

Napag-alaman na isinuko rin ng mga NPA ang mga dala nilang armas, bala at subersibong dokumento sa mga awtoridad.

Ayon sa dalawa, nahihirapan na umano silang mamuhay sa bundok kaya sumuko sila sa pamahalaan.

Isinasailalim na ngayon sa taktikal na interogasyon ang mga sumukong komunista.