2 NPA nasakote

@Balitang Probinsiya | September 13, 2023

NEGROS OCCIDENTAL -- Dalawang miyembro ng New People’s Army (NPA) ang nadakip ng mga awtoridad kamakalawa sa Bgy. Santol, Binalbagan sa lalawigang ito.

Nakilala ang mga suspek na sina Junjie Camanso at Judy Blazer, kapwa nasa hustong gulang at mga miyembro ng NPA na nakabase sa lalawigan.

Nabatid na dinakip ng mga operatiba ang dalawang NPA sa bisa ng warrant of arrest na inisyu ng korte kaugnay sa kinasasangkutan nilang kasong murder.

Napag-alaman na may nagbigay impormasyon sa pulisya sa kinaroroonan nina Camanso at Blazer kaya agad itong pinuntahan ng mga awtoridad at dinakip ang mga suspek.

Hindi naman nanlaban ang dalawang NPA nang arestuhin sila ng mga awtoridad sa nasabing barangay.