2 notoryus na tulak, tiklo sa drug-bust

@Balitang Probinsiya | June 13, 2023

PALAWAN -- Dalawang notoryus na drug pusher ang nadakip sa isinagawang drug-bust operation ng mga awtoridad kamakalawa sa Bgy. San Miguel, Puerto Princesa City sa lalawigang ito.

Ang mga nadakip na suspek ay kinilala ng pulisya na sina Ramon Dimanalata at Angel Lagrada, kapwa nasa hustong gulang at mga residente sa nasabing lungsod.

Napag-alaman na nadakip ang mga suspek sa isinagawang drug-bust operation ng mga awtoridad sa nasabing barangay.

Nakakumpiska ang mga awtoridad ng 1.69 gramo ng shabu at markadong pera sa pag-iingat ng mga suspek.

Hindi naman nanlaban ang mga suspek nang dakpin sila ng mga awtoridad na sa ngayon ay nakapiit na sa detention cell ng himpilan ng pulisya.