2 notoryus na tulak, tiklo

@Balitang Probinsiya | Pebrero 8, 2023

ALBAY – Dalawang notoryus na drug pusher ang naaresto sa isinagawang drug-bust operation ng mga awtoridad kamakalawa sa Bgy. Salvacion, Tabaco City sa lalawigang ito.

Hindi na muna pinangalanan ang dalawang suspek habang iniimbestigahan sila ng mga awtoridad.

Ayon sa ulat, nagsagawa ng drug-bust operation ang mga awtoridad sa nabanggit na barangay kaya nadakip ang dalawang suspek.

Nabatid na nakakumpiska ang mga awtoridad ng walong gramo ng shabu at markadong pera pag-iingat ng dalawang drug pusher.

Nakapiit na ang mga suspek na kapwa nahaharap sa kasong paglabag sa Comprehensive Dangerous Drugs Act of 2002.