2 notoryus na tulak, tiklo

@Balitang Probinsiya | Enero 30, 2023

CAGAYAN — Dalawang notoryus na drug pusher ang naaresto sa isinagawang drug-bust operation ng mga awtoridad kamakalawa sa Bgy. Pinas, Claveria sa lalawigang ito.

Kinilala ang dalawang suspek na sina Ruel Ilovino, 43, at Rema Altre, 50, kapwa nakatira sa nabanggit na bayan.

Ayon sa ulat, nagsagawa ng drug-bust operation ang mga awtoridad sa nabanggit na barangay kaya nadakip ang dalawang suspek.

Nabatid na nakakumpiska ang mga awtoridad ng isang gramo ng shabu at markadong pera sa pag-iingat nina Ilovino at Altre.

Nakapiit na ang mga suspek na kapwa nahaharap sa kasong paglabag sa Comprehensive Dangerous Drug Act of 2002.