2 notoryus na tulak, nasakote

@Balitang Probinsiya | July 3, 2023

NEGROS OCCIDENTAL -- Dalawang notoryus drug pusher ang nadakip sa isinagawang drug-bust operation ng mga awtoridad kamakalawa sa Bgy. Robles, La Castellana sa lalawigang ito.

Ang mga nadakip na suspek ay kinilala ng pulisya na sina Elmer Gale at Jestoni Fajardo, kapwa nasa hustong gulang at mga residente sa nasabing bayan.

Napag-alaman na nadakip ang mga suspek sa isinagawang drug-bust operation ng mga awtoridad sa nasabing barangay.

Nakakumpiska ang mga awtoridad ng 15 gramo ng shabu at markadong pera sa pag-iingat ng mga suspek.

Hindi naman nanlaban ang mga suspek nang arestuhin ng mga awtoridad habang nakapiit na ang mga ito sa detention cell ng himpilan ng pulisya.