2 notoryus na karnaper, arestado

@Balitang Probinsiya | February 19, 2021

CAPIZ—Dalawang notoryus na karnaper ang nadakip ng pulisya kamakalawa sa Bgy. Intongcan, Pontevedra.

Kinilala ang mga suspek na sina Melvin Betir, 37-anyos at Ernie de Mayo, 23-anyos, kapwa residente ng Bgy. Balatucan sa nasabing bayan.

Ayon sa ulat, nagtungo sa himpilan ng pulisya ang biktimang si Marlou Denosta, 28-anyos at ini-report na tinangay ng dalawang suspek ang kanyang motorsiklo.

Kaagad nagsagawa ng follow-up operation ang mga awtoridad kaya nadakip ang dalawang suspek at narekober ang motorsiklo.

Nakapiit na ang dalawang suspek na kapwa nahaharap sa kasong carnapping.