2 motorsiklo nagsalpukan, 1 todas

@Balitang Probinsiya | December 28, 2021

CAMARINES SUR—Isang rider ang namatay at dalawa pa ang sugatan nang aksidenteng magkabanggaan ang dalawang motorsiklo kamakalawa sa Bgy. Irayang Solong, Minalabac.

Kinilala ng pulisya ang nasawi na si Crispin Aquino, 37-anyos, samantalang ang mga sugatan ay si Aljon Adon at Manilyn Perez, kapwa nasa hustong gulang at pawang residente sa nasabing lalawigan.

Ayon sa ulat, kapwa mabilis ang takbo ng motorsiklong minamaneho ni Aquino at motorsiklong minamaneho ni Adan habang kaangkas si Perez kaya aksidenteng nagkabanggan sa naturang barangay ang dalawang sasakyan.

Nabatid na nagtamo ng mga pinsala sa ulo at katawan ang mga biktima.

Kaagad dinala ng mga saksi ang mga biktima sa ospital, pero idineklarang dead-on-arrival si Aquino.