2 miyembro ng salisi gang nasakote
BULGAR
Jan 10, 2023
1 min read
@Balitang Probinsiya | Enero 10, 2023
ALBAY—Dalawang miyembro ng “Salisi Gang” ang nadakip ng pulisya kamakalawa sa Bgy. 1, Malilipot.
Hindi na muna pinangalanan ng pulisya ang dalawang lalaking suspek habang iniimbestigahan ng mga awtoridad.
Ayon sa ulat, nakita ng mga kawani ng RTW shop na pasalising ninakaw ng mga suspek ang mga panindang folding umbrella ng naturang establisimyento.
Dahil dito, ini-report ng mga kawani sa pulisya ang pagnanakaw ng mga suspek at sa mabilis na responde ng mga operatiba ay nadakip ang dalawang miyembro ng “Salisi Gang”.
Nabatid na inihahanda na ng pulisya ang kasong qualified theft laban sa dalawang suspek.
Comments