2 miyembro ng ‘Bolt Cutter Gang’, timbog

@Balitang Probinsiya | June 26, 2023

CAVITE -- Dalawang miyembro ng "Bolt Cutter Gang" ang naaresto nang maaktuhan ng mga awtoridad na nagsasagawa ng pagnanakaw sa isang tindahan kamakalawa sa Bgy. Amuyong, Alfonso sa lalawigang ito.

Kinilala ng pulisya ang mga suspek na sina Benjie Baldoza, 32 at Arlie Villanueva, 30, kapwa nakatira sa Bacoor City sa nasabing lalawigan.

Ayon sa ulat, nahuli sa akto ng mga nagpapatrulyang tauhan ng pulisya ang dalawang suspek habang nagnanakaw sa isang tindahan.

Napag-alaman na nakapasok sa loob ng tindahan ang mga suspek sa pamamagitan ng pagsira nila sa kandado ng tindahan.

Hindi naman nanlaban ang mga suspek nang dakpin sila ng mga awtoridad.