2 magsasakang tulak timbog sa drug den

@Balitang Probinsiya | March 29, 2023

MOUNTAIN PROVINCE—Dalawang magsasakang drug pusher ang nadakip sa isinagawang drug-bust operation ng mga awtoridad kamakalawa sa isang drug den sa Bgy. Central Guinzadan, Bauko sa lalawigang ito.

Hindi na muna pinangalanan ng mga awtoridad ang dalawang suspek habang iniimbestigahan sila ng mga operatiba.

Ayon sa ulat, may tinanggap na impormasyon ang mga awtoridad na ginagawang drug den ang isang bahay sa naturang barangay kaya agad itong sinalakay at dito nadakip ang mga drug pusher.

Nabatid na nakakumpiska ang mga awtoridad ng pitong pakete ng shabu at markadong pera sa pag-iingat ng mga suspek.

Nahaharap ngayon ang mga suspek sa kasong paglabag sa Dangerous Drugs Act of 2002.