2 lasing nagsaksakan, 1 patay

@Balitang Probinsiya | December 22, 2020

QUEZON—Isa ang patay at isa ang sugatan nang magsaksakan ang dalawang lasing kamakalawa sa Bgy. Ibabang Iyam, Lucena City.

Nakilala ang namatay na si Michael Torres, samantalang ang sugatan ay si Raniel Ambal, kapwa residente sa nabanggit na barangay.

Sa imbestigasyon, kapwa lasing umano sina Torres at Ambal nang magkaroon ng pagtatalo sa tindahan na humantong para maglabas ng patalim at magsaksakan ang dalawa.

Nabatid na kapwa nagtamo ng mga tama ng saksak sa katatawan sina Torres at Ambal.

Kaagad dinala ng mga residente ang dalawa sa ospital, pero idineklarang dead-on-arrival si Torres, samantalang nasa malubhang kalagayan pa si Ambal.