2 kubrador ng bookies, nasakote

@Balitang Probinsiya | November 1, 2021

CAPIZ--Dalawang kubrador ang inaresto ng pulisya nang mahuli sa aktong nagpapataya ng ng STL (small-town lottery)-bookies kamakalawa sa Bgy. Poblacion Ilaya, Panitan.

Kinilala ng pulisya ang mga suspek na sina Daniel Venancio, 51-anyos at Noel Daliva, 57-anyos, kapwa nakatira sa nabanggit na bayan.

Ayon sa ulat, nakita ng mga operatiba na nagpapataya ng naturang illegal gambling sina Venancio at Daliva kaya agad dinakip ang dalawang suspek.

Nakakumpiska ang mga awtoridad ng mga mga gambling paraphernalia at cash sa pag-iingat ng mga suspek.

Inihahanda na ng pulisya ang kasong paglabag sa RA 1602 o illegal gambling laban sa dalawang kubrador.