2 kelot, tinodas ng 3 kaalitan

@Balitang Probinsiya | December 28, 2020

ZAMBOANGA DEL SUR—Dalawang lalaki ang namatay nang barilin at pagtatagain ng tatlo nilang kaalitan kamakalawa sa Bgy. Kapamanok, San Pablo.

Nakilala ang mga biktimang nagtamo ng mga tama ng bala at taga sa katawan na sina Felix Mancao at Arbek Sagario, kapwa nakatira sa nasabing barangay.

Ayon sa ulat, naglalakad sina Mancao at Sagario nang biglang sumulpot ang mga suspek na sina Julieto Alquiza, Daniel Yares at Ronniebert Yares, pawang residente rin sa naturang lugar.

Matapos tiyaking patay na ang mga biktima ay mabilis na tumakas ang mga salarin.

Nagpalabas na ng manhunt operation ang pulisya para maaresto ang mga suspek.