2 kelot, tinepok ng lolo

@Balitang Probinsiya | June 28, 2023

ILOILO -- Dalawang lalaki ang namatay nang pagbabarilin ng isang 63-anyos na lolo kamakalawa sa Bgy. Poblacion Ilaya, Lambunao sa lalawigang ito.

Ang mga biktimang nagtamo ng mga tama ng bala sa katawan ay nakilalang sina Joven Bisete, 41, at Ramil Opriane, 51, at ang suspek ay si Gil Casiple, pawang nakatira sa nasabing barangay.

Ayon sa pulisya, habang nakikipag-inuman si Casiple sa kanyang kaibigan sa isang tindahan ay dumating ang dalawang biktima at kinumpronta ang suspek.

Dahil dito, agad naglabas ng baril si Casiple at pinagbabaril ang dalawang biktima hanggang mamamatay.

Nadakip agad ng mga rumespondeng tauhan ng pulisya ang suspek.