2 kelot tepok sa trak

@Balitang Probinsiya | May 31, 2023

ILOILO—Dalawang binata ang namatay at isa pa ang nasa kritikal na kalagayan nang aksidenteng mabangga ng isang trak ang kinalululanan nilang motorsiklo kamakalawa sa Bgy. Bacuranan, Passi City sa lalawigang ito.

Ang mga nasawi ay kinilalang sina Jay-R Sencil at Zaldy Palomar, kapwa 23-anyos, samantalang ang kasamahan nilang sugatan ay si Sherwin Bontog, nasa hustong gulang, at pawang residente sa nasabing lalawigan.

Ayon sa ulat, mabilis umano ang takbo ng trak na minamaneho ni Alvin Dizon kaya aksidente nitong nabangga ang motorsiklong kinalulunanan ng tatlong biktima.

Kaagad dinala ng mga saksi ang mga biktima sa pagamutan, pero idineklarang dead-on-arrival sina Sencil at Palomar.

Nahaharap ngayon si Dizon sa kasong reckless imprudence resutling to double homicide, physical injury at damage to property.