2 kelot, tepok sa nakaparadang trak

@Balitang Probinsiya | November 25, 2020

NEGROS OCCIDENTAL—Dalawang ang namatay nang aksidenteng bumangga sa nakaparadang trak ang kinalululanan nilang motorsiklo kamakalawa sa Bgy. Gargato, Hinigaran.

Ang mga biktima ay nakilalang sina Jano Yunsal at Chrismichu David, kapwa residente sa naturang bayan.

Ayon sa ulat, mabilis ang takbo ng motorsiklong kinalululanan nina Yunsal at David kaya bumangga sila sa nakaparadang trak sa gilid ng kalsada sa nasabing lugar.

Sa lakas ng pagkakabangga ang nagtamo ng malaking sugat sa ulo at nagkaroon ng pinsala sa katawan ang mga biktima.

Kaagad dinala ng mga saksi ang mga biktima sa ospital, pero idineklara silang dead-on-arrival.