2 kelot, sugatan sa motorsiklo

@Balitang Probinsiya | December 3, 2020

AKLAN—Dalawang lalaki ang sugatan sa naganap na aksidente kamakalawa sa Bgy. Linabuan Norte, Kalibo.

Ang mga sugatan sa aksidente ay nakilalang sina Edwin Francisco at Marlon Abarecio, kapwa residente sa nasabing lalawigan.

Ayon sa ulat, minamaneho ni Aberecio ang kanyang motorsiklo nang biglang tumawid sa kalsada si Francisco dahilan upang mabangga niya ito.

Sa lakas ng pagkakabangga ay kapwa tumilapon sina Aberecio at Francisco na kapwa nagtamo ng mga sugat sa ulo at katawan.

Bagama’t sugatan din sa aksidente si Aberecio ay sasampahan pa rin ito ng pulisya ng kasong reckless imprudence resulting to physical injury dahil sa pagkakabangga ng motorsiklo nito kay Francisco.