2 kelot, nalunod sa dagat

@Balitang Probinsiya | November 23, 2021

CAPIZ—Patay ang dalawang lalaki nang malunod habang naliligo kamakalawa sa dagat na sakop ng Bgy. San Ramon, Pilar.

Kinilala ng pulisya ang mga biktima na sina Jay Tumlos at alyas Koykoy, kapwa nakatira sa bayan ng Pontevedra sa lalawigang ito.

Ayon sa ulat, naliligo umano sa dagat ang dalawang biktima nang tangayin ng malaking alon kaya nalunod ang dalawang lalaki.

Nabatid na agad sumaklolo ang mga residente, pero hindi agad natagpuan sa dagat ang mga biktima.

Napag-alamang makalipas ang ilang oras ay natagpuan ng mga residente ang bangkay ng mga biktima na nakalutang sa naturang dagat.