2 kelot na pumatay sa bading, kilala na

@Balitang Probinsiya | December 15, 2022

AKLAN—Nakilala na ng pulisya kamakalawa ang dalawang lalaking pumatay sa bading sa loob ng kubo sa Bgy. Pook, Kalibo.

Hindi muna pinangalanan ng pulisya ang dalawang suspek, na ang isa ay 21-anyos at ang isa ay 17-anyos, kapwa residente sa nabanggit na barangay.

Nauna rito, natagpuan ng mga residente ang bangkay ng biktimang bading na may malalaking sugat sa ulo noong Disyembre 10, 2022 sa loob ng kubo sa nasabing lugar.

Nabatid na sa masusing imbestigasyon ay nakilala na ng mga awtoridad ang ang dalawang suspek na pumalo ng kahoy sa ulo ng biktima na agad nitong ikinamatay.

Nahaharap ang dalawang suspek sa kasong murder, robbery at carnapping dahil matapos patayin ay ninakaw at tinangay din ng mga salarin ang cellphone at motorsiklo ng biktima.