2 kelot, dedbol sa sagasa ng trak

@Balitang Probinsiya | October 20, 2020

CAPIZ—Dalawang lalaki ang namatay nang aksidenteng masagasaan ng trak kamakalawa sa Bgy. Atiplo, Mambusao.

Nakilala ang mga biktima na sina Vicente Caporal at Aldrin Delmindo, kapwa nakatira sa Bgy. Parian, Sigma sa nasabing lalawigan.

Ayon sa ulat, habang minamaneho ni Caporal ang kanyang motorsiklo at angkas si Delmindo ay sumemplang sila sa kalsada dahilan ito upang aksidente silang masagasaan ng trak na mimamaneho ni Revel Roa, residente ng Maasin City.

Napag-alamang kapwa namatay sa pinangyarihan ng aksidente ang dalawang biktima.

Nakapiit na si Roa na nahaharap sa kasong reckless imprudence resulting to double homicide and damage to property.