2 kelot, dedbol sa pamamaril

@Balitang Probinsiya | November 8, 2023

NORTH COTABATO -- Dalawang lalaki ang namatay nang barilin ng mga hindi kilalang armadong salarin kamakalawa sa Brgy. Nunguan, Pikit sa lalawigang ito.

Ang mga biktima na nagtamo ng mga tama ng bala sa katawan ay nakilalang sina Montaser Talib at Eliah Pandapatan, kapwa nasa hustong gulang at mga residente sa nasabing bayan.

Ayon sa ulat, habang patungo sina Talib at Pandapatan sa isang lugar sa nasabing barangay nang bigla silang pagbabarilin ng mga salarin.

Dinala pa ng mga saksi ang dalawang biktima sa ospital, pero kapwa sila idineklarang dead-on-arrival.

Nagpalabas na ng manhunt operation ang mga awtoridad para madakip ang mga suspek.