2 karnaper arestado

@Balitang Probinsiya | Pebrero 9, 2023

AKLAN – Dalawang notoryus na karnaper ang inaresto ng mga tauhan ng pulisya kamakalawa sa bayan ng Banga sa lalawigang ito.

Kinilala ng pulisya ang dalawang suspek na sina Christian Jagurin, 20, at isang alyas "Totoy", 17, kapwa nakatira sa nasabing bayan.

Nag-report sa pulisya ang biktimang si Nelson Laurente na kinarnap ng mga suspek ang motorsiklo niyang nakaparada sa tapat ng kanilang bahay sa Bgy. Bulwang, Numancia sa naturang lalawigan.

Agad nagsagawa ng follow-up operations ang pulisya kaya nadakip ang dalawang karnaper.

Nakapiit na ang mga suspek sa detention cell ng himpilan ng pulisya na kapwa nahaharap ngayon sa kasong carnapping.