2 HVT, timbog sa shabu at boga

@Balitang Probinsiya | January 13, 2021

QUEZON—Dalawang high-value target (HVT) sa droga ang inaresto ng pulisya nang makumpiskahan ng shabu at baril kamakalawa sa Bgy. 9, Lucena City.

Ang mga suspek ay nakilalang sina Armando Table, 45-anyos at Jofren de Rosas, 38-anyos, kapwa nakatira sa Bgy. Ibabang-Iyam sa nasabing lungsod.

Nabatid na na nagsagawa ng buy-bust operation sa naturang barangay at nang pagbentahan sila ng shabu nina Table at De Rosas ay agad dinakip ang dalawang suspek.

Napag-alamang nakakumpiska ang mga awtoridad ng 16 na gramo ng shabu, shotgun at markadong pera sa pag-iingat ng mga suspek.

Hindi naman nanlaban at kusa namang sumama sa mga awtoridad ang mga suspek nang dakpin sila sa nasabing barangay.