2 HVT sa droga, tiklo

@Balitang Probinsiya | May 6, 2023

LAGUNA—Dalawang HVT (High Value Target) sa droga ang nadakip sa isinagawang drug-bust operation ng mga awtoridad, kamakalawa sa Bgy. Halang, Calamba City sa lalawigang ito.

Itinago muna ng mga awtoridad ang mga suspek sa mga alyas na ‘Bok’ at ‘Omelya,’ kapwa nasa hustong gulang habang iniimbestigahan pa sila ng mga operatiba.

Nabatid na dinakip ng pulisya ang mga suspek sa isinagawang drug-bust operation ng mga operatiba sa naturang barangay.

Napag-alaman na nakakumpiska ang mga awtoridad ng 111 gramo ng shabu at markadong pera sa pag-iingat ng mga suspek.

Kusang sumama sa pulisya at hindi nanlaban ang mga suspek ng dakpin sila ng mga operatiba sa naturang lugar.