2 HVT sa droga, natiklo

@Balitang Probinsiya | April 18, 2023

ILOILO—Dalawang HVT (High-Value Target) sa droga ang nadakip ng mga awtoridad, kamakalawa sa Bgy. Kasing-Kasing, Molo District, Iloilo City sa lalawigang ito.

Kinilala ng pulisya ang mga suspek na sina Abraham Enriquez at Elezarre Gonzales, kapwa nasa hustong gulang at parehong residente sa nasabing lungsod.

Nabatid na dinakip ng pulisya ang mga suspek sa isinagawang drug-bust operation ng mga operatiba sa naturang barangay.

Napag-alaman na nakakumpiska ang mga awtoridad ng isang pakete ng shabu at markadong pera sa pag-iingat ng mga suspek.

Kusang sumama naman sa pulisya ang mga suspek nang dakpin sila ng mga operatiba sa naturang lugar.