2 HVT Sa droga arestado
BULGAR
Dec 20, 2022
1 min read
@Balitang Probinsiya | December 20, 2022
CAMARINES NORTE – Dalawang HVT (high-value target) sa droga ang nadakip sa isinagawang buy-bust operation ng mga awtoridad kamakalawa sa Bgy. Tugos, Paracale sa lalawigang ito.
Hindi na muna pinangalanan ng mga awtoridad ang dalawang nadakip na suspek habang isinasailalim sila sa masusing imbestigasyon.
Ayon sa ulat, nadakip ang dalawang drug pusher sa isinagawang buy-bust operation ng mga operatiba sa nasabing lugar.
Napag-alaman na nakakumpiska ang mga awtoridad ng 16 gramo ng shabu at markadong pera sa pag-iingat ng mga suspek.
Nahaharap ngayon ang dalawang suspek sa kasong paglabag sa Comprehensive Dangerous Drugs Act of 2002.
Comments