2 holdaper arestado

@Balitang Probinsiya | Enero 27, 2023

ALBAY — Dalawang notoryus na holdaper ang nadakip ng mga tauhan ng pulisya kamakalawa sa kanilang hideout sa Bgy. Bitano, Legazpi City sa lalawigang ito.

Itinago muna ng pulisya ang mga suspek sa mga alyas na Ralph at Jestoni.

Nabatid na dinakip ng mga tauhan ng pulisya sina "Ralph" at "Jestoni" sa bisa ng warrant of arrest na inisyu ng korte kaugnay sa kinasasangkutan nilang kasong Robbery.

Napag-alaman na may nagbigay impormasyon sa pulisya sa pinagtataguan ng mga suspek kaya agad itong sinalakay ng mga awtoridad at dinakip ang dalawang wanted na holdaper.

Hindi naman nanlaban ang mga suspek nang dakpin sila ng pulisya.