2 gusali tupok

@Balitang Probinsiya | March 6, 2023

PALAWAN—Dalawang maliit na gusali ang natupok sa naganap na sunog kamakalawa sa Bgy. San Jose, Puerto Princesa City sa lalawigang ito.

Ang mga nasunog na gusali ay pag-aari ni Venaranda Lagrosa, nasa hustong gulang at residente sa nasabing barangay.

Ayon sa ulat, nakita na lamang ng mga residente na nag-umpisa ang sunog sa isang gusali at dahil sa mabilis na pagkalat ng apoy ay nadamay na nasunog ang isa pang katabi nitong gusali sa naturang lugar.

Wala namang iniulat na nadisgrasya sa naganap na insidente.

Sa ngayon ay inaalam pa ng mga arson investigator ang sanhi ng sunog at halaga ng napinsala ng apoy sa nasunog na dalawang gusali.