2 estudyanteng tulak, arestado

@Balitang Probinsiya | August 15, 2023

NUEVA ECIJA -- Dalawang estudyanteng drug pusher ang naaresto sa drug-bust operation ng mga awtoridad kamakalawa sa Bgy. Don Mariano Marcos, Jaen sa lalawigang ito.

Hindi na muna pinangalanan ng pulisya, ang mga suspek habang iniimbestigahan sila ng mga awtoridad.

Ayon sa ulat, nagsagawa ng drug-bust operation ang mga awtoridad sa nabanggit na barangay kaya nadakip ang dalawang suspek.

Napag-alaman na nakakumpiska ang mga awtoridad ng 8 gramo ng marijuana at markadong pera sa pag-iingat ng dalawang drug pusher.

Hindi naman nanlaban ang mga suspek nang dakpin sila ng mga awtoridad sa naturang lugar at sa ngayon ay sinampahan na ng kasong paglabag sa Comprehensive Dangerous Drugs Act of 2002.