2 estudyante tiklo sa shabu at marijuana

@Balitang Probinsiya | September 9, 2022

NUEVA VIZCAYA—Dalawang estudyante ang dinakip ng mga awtoridad nang makumpiskahan ng shabu at marijuana kamakalawa sa Bgy. Calaocan, Bambang.

Hindi na muna pinangalanan ng pulisya ang mga suspek na kapwa nakatira sa nabanggit na lalawigan habang iniimbestigahan pa sila ng mga awtoridad.

Ayon sa ulat, nadakip ang dalawang suspek sa isinagawang drug-bust operation sa naturang lugar.

Nabatid na nakakumpiska ang mga awtoridad ng tig-isang sachet ng shabu at marijuana sa pag-iingat ng mga suspek.

Nakapiit na ang mga suspek na kapwa nahaharap ngayon sa kasong paglabag sa Comprehensive Dangerous Drugs Act of 2002.