2 drug traffickers, huli sa drug-bust

@Balitang Probinsiya | November 10, 2020

PAMPANGA—Dalawang drug traffickers ang naaresto sa isinagawang drug-bust operation kamakalawa sa Bgy. Lourdes North West, Angeles City.

Kinilala ang mga suspek na sina Orlando Dayrit at Arnold Guibo, kapwa nakatira sa nabanggit na lungsod.

Nabatid na may nag-tip na drug trafficker sina Dayrot at Guibo kaya nagsagawa ng drug-bust operation dahilan upang maaresto ang mga suspek.

Napag-alamang nakakumpiska ang mga awtoridad ng 370 gramo ng shabu na nagkakahalaga ng mahigit P2 milyon sa pag-iingat ng mga suspek.

Nakapiit na ang mga suspek na nahaharap sa kasong paglabag sa Dangerous Drugs Act of 2002.