@Balitang Probinsiya | November 14, 2023
AKLAN -- Dalawang gusaling boarding house ang tinupok ng apoy kamakalawa sa Brgy. Balabag, Boracay Island sa lalawigang ito.
Ang sunog ay nagmula sa isang kuwarto ng boarding house at mabilis na nadamay at tinupok ng apoy ang iba pang silid at katabing isa pang gusaling boarding house sa nasabing barangay.
Napag-alaman na umabot sa halos limang oras bago naapula ng mga bumbero ang sunog.
Wala namang iniulat na nadisgrasya sa naganap na insidente.
Inaalam pa ng mga arson investigator ang sanhi at halaga ng napinsala sa dalawang nasunog na gusaling boarding house.
Comments