2 binata, nag-o-online game, ginulpi

@Balitang Probinsiya | Pebrero 15, 2023

AKLAN—Dalawang binata ang sugatan nang bugbugin ng apat na kalalakihan kamakalawa sa Bgy. Poblacion, New Washington sa lalawigang ito.

Ang mga biktimang nagtamo ng mga pasa sa mukha at katawan ay nakilalang sina John Mark Ruiz, at Roberto Sartiga, kapwa nasa hustong gulang at parehong nakatira sa nasabing bayan.

Kinilala naman ang mga suspek na sina Mico Andrade, Rodney Simeon, Darren Ureta at John Alcante, pawang nasa hustong gulang at mga residente rin sa naturang barangay.

Ayon sa ulat, habang nakaupo at naglalaro ng online game sa cellphone sina Ruiz at Sartiga ay dumating ang mga suspek at agad binugbog ang dalawang biktima.

Agad rumesponde ang pulisya at nadakip sina Andrade at Simeon, pero nakatakas sina Ureta at Alcante.