2 bigtime tulak, timbog sa drug-bust

@Balitang Probinsiya | May 19, 2023

BATANGAS—Dalawang bigtime drug pusher ang nadakip sa drug-bust operation ng mga awtoridad, kamakalawa sa Bgy. Balagtas, Batangas City sa lalawigang ito.

Ang mga nadakip na suspek ay itinago muna sa mga pangalang ‘Mel’ at ‘Balat,’ kapwa nasa hustong gulang at mga residente sa nasabing lungsod.

Napag-alaman na nadakip ang mga suspek sa isinagawang drug-bust operation ng mga awtoridad sa nasabing barangay.

Nakakumpiska ang mga awtoridad ng 13 gramo ng shabu at markadong pera sa pag-iingat ng mga suspek.

Hindi naman nanlaban ang mga suspek nang dakpin sila ng mga awtoridad at ngayon ay nakapiit na sila sa detention cell ng himpilan ng pulisya.