2 bigtime tulak, tiklo

@Balitang Probinsiya | March 2, 2023

PAMPANGA—Dalawang bigtime drug pusher ang naaresto sa isinagawang buy-bust operation ng mga awtoridad kamakalawa sa Brgy. Pampang, Angeles City sa lalawigang ito.

Ang mga suspek ay nakilalang sina Noraida Pacasum, 31, at Marvin Guevarra, 24, kapwa nakatira sa nasabing lungsod.

Ayon sa ulat, nagpanggap na buyer ng shabu ang mga operatiba, at nang bentahan sila ng droga nina Pacasum at Guevarra ay dito na agad dinakip ng mga awtoridad ang dalawang suspek.

Nabatid na nakakumpiska ang mga awtoridad ng 55 gramo ng shabu at markadong pera sa pag-iingat ng mga suspek.

Hindi naman nanlaban ang mga suspek at ngayon ay nakapiit na sila sa detention cell ng himpilan ng pulisya.