2 bigtime, tulak huli sa drug-bust

@Balitang Probinsiya | January 11, 2021

CEBU CITY—Dalawang bigtime drug pushers ang naaresto sa isinagawang drug-bust operation ng mga awtoridad kamakalawa sa Bgy. Duljo Fatima.

Ang mga suspek ay nakilalang sina Roger Ongcoy at Nicasio Jimenez, kapwa nakatira sa nabanggit na barangay.

Nabatid na naaresto ng mga awtoridad ang dalawang suspek nang magsagawa ng drug-bust operation ang pulisya sa nasabing lugar.

Ayon sa ulat, nakakumpiska ang mga awtoridad ng mga pakete ng shabu at markadong pera sa pag-iingat ng mga suspek.

Nakapiit na ang mga suspek na kapwa nahaharap sa kasong paglabag sa Comprehensive Dangerous Drugs Act of 2002.