2 bigtime tulak, arestado sa drug-bust

@Balitang Probinsiya | January 18, 2021

BATANGAS—Dalawang bigtime drug pushers ang naaresto sa isinagawang drug-bust operation ng pulisya kamakalawa sa Bgy. Ermita, Balayan.

Ang mga suspek ay nakilalang sina Mitchell Sales at Resty Catchillar, kapwa nakatira sa nabanggit na bayan.

Napag-alamang naaresto ng mga awtoridad ang dalawang suspek nang magsagawa ng drug-bust operation ang pulisya sa naturang barangay.

Ayon sa ulat, nakakumpiska ang mga awtoridad ng ilang sachets ng shabu, baril at markadong pera sa pag-iingat ng mga suspek.

Nakapiit na ang mga suspek na kapwa nahaharap sa kasong paglabag sa Comprehensive Dangerous Drugs Act of 2002 at illegal possession of firearms.