2 bigtime pusher tiklo sa drug-bust

@Balitang Probinsiya | June 08, 2023

QUEZON -- Dalawang bigtime drug pusher ang nadakip sa isinagawang drug-bust operation ng mga awtoridad kamakalawa sa Bgy. Mayao Crossing, Lucena City sa lalawigang ito.

Ang mga nadakip na suspek ay nakilalang sina Herson Azurias at Sergio Moulic, kapwa nasa hustong gulang at mga residente sa nasabing lungsod.

Napag-alaman na nadakip ang mga suspek sa isinagawang drug-bust operation ng mga awtoridad sa nasabing barangay.

Nakakumpiska ang mga awtoridad ng 11.61 gramo ng shabu at markadong pera sa pag-iingat ng mga suspek.

Hindi naman nanlaban ang mga suspek nang dakpin sila ng mga awtoridad at sa ngayon ay nakapiit na sila sa detention cell ng himpilan ng pulisya.