2 bigtime drug dealer, nasakote

@Balitang Probinsiya | September 19, 2023

SULTAN KUDARAT -- Dalawang bigtime drug dealer ang nadakip sa drug-bust operation ng mga awtoridad kamakalawa sa Bgy. Kalawag 3, Isulan sa lalawigang ito.

Ang mga nadakip na suspek ay nakilalang sina Zacaria Sal at Guimaludin Sailudin, kapwa nasa hustong gulang at mga tubong Maguindanao del Sur.

Napag-alaman na nadakip ang mga suspek sa isinagawang drug-bust operation ng mga awtoridad sa naturang lugar.

Nakakumpiska ang mga awtoridad ng halos isang kilo ng hinihinalang shabu at markadong pera sa pag-iingat ng mga suspek.

Nakapiit na ang mga suspek na kapwa nahaharap ngayon sa kasong paglabag sa Comprehensive Dangerous Drugs Act of 2002.