2 bebot, na-rescue sa sex den

@Balitang Probinsiya | February 12, 2021

ILOCOS SUR—Dalawang dalaga ang na-rescue ng mga awtoridad sa isang sex den kamakalawa sa Bgy. Suso, Sta. Maria.

Ang mga biktima ay itinago sa mga pangalang “Luisa”, 19-anyos at “Imelda”, 24-anyos, kapwa residente sa nabanggit na bayan.

Kaugnay nito, hindi muna pinangalanan ang nadakip na may-ari ng sex den habang iniimbestigahan pa ito.

Ayon sa ulat, may tinanggap na impormasyon ang pulisya na ginagawang sex den ang bahay ng suspek kaya agad itong sinalakay ng mga operatiba at dito na-rescue ang dalawang biktima.

Inihahanda na ng mga awtoridad ang iba’t ibang uri ng kaso na isasampa sa suspek.