2 bebot, 1 lolo tiklo sa tong-its

@Balitang Probinsiya | November 17, 2022

AKLAN—Dalawang babae at isang lolo ang inaresto ng pulisya nang mahuli sa aktong nagto-tong-its kamakalawa sa Bgy. Toledo, Nabas.

Kinilala ng pulisya ang mga suspek na sina Nanette Dimonen, Marilou de Pedro, kapwa 53-anyos at Melvin David, 61-anyos, pawang nakatira sa nasabing barangay.

Ayon sa ulat, may nagbigay-impormasyon sa himpilan ng pulisya na may mga nagsusugal sa nasabing lugar, kaya agad sinalakay ng mga operatiba ang gambling den at dito nadakip ang tatlong suspek.

Napag-alamang nakakumpiska ang mga awtoridad ng mga baraha at cash sa pag-iingat ng mga suspek.

Inihahanda na ng pulisya ang kasong paglabag sa RA 1602 o illegal gambling laban sa tatlong sugarol.