2 bakasyunista, tiklo sa pekeng RT-PCR

@Balitang Probinsiya | January 5, 2021

AKLAN—Dalawang bakasyunista ang dinakip ng mga awtoridad kamakalawa dahil sa paggamit ng pekeng RT-PCR (Polymerase Chain Reaction) test result para makapasok sa Boracay Island.

Hindi na muna pinangalanan ang dalawang suspek na kapwa residente ng Metro Manila.

Nabatid na habang sinusuri ng mga awtoridad ang RT-PCR test result ng dalawang suspek na magbabakasyon sa Boracay Island ay napuna ng pulisya na peke ang ipinakikitang swab test result ng dalawang bakasyunista.

Nang makumpirmang peke, agad dinakip ng pulisya ang dalawang suspek.

Inihahanda na ng mga awtoridad ang pagsasampa ng kasong Falsification by Private Individual and Use of Falsified Documents laban sa mga suspek.