2 bakasyunista, sugatan sa aksidente

@Balitang Probinsiya | June 1, 2023

AKLAN—Dalawang bakasyunista ang sugatan nang sumemplang ang kinalululanan nilang motorsiklo kamakalawa sa national highway ng Kalibo sa lalawigang ito.

Kinilala ang mga biktima na sina Silvestre Magallanes at Joseph Salazar, kapwa nasa hustong gulang at mga residente ng Antipolo City, Rizal.

Ayon sa ulat, nawalan umano ng kontrol si Magallanes sa pagmamaneho ng motorsiklo habang angkas si Salazar kaya sumemplang sila sa kalsada.

Nabatid na nagtamo ng mga sugat sa ulo at katawan ang mga biktima sa naganap na aksidente.

Agad dinala ng mga saksi ang mga biktima sa ospital at kasalukuyan pa silang inoobserbahan sa pagamutan.